Nú fer júlí að verða hálfnaður og sumarið líður í raun allt of hratt. Heyskapur í Árgerði og Litla-Garði gengur vel en Hafþór Magni ofurheyjari kom að sunnan með ömmuogafa músina sína Viktoríu til þess að hjálpa til við heyskap. Dýrmæt heimsókn það í alla staði... 

Sindri Snær Litla-Garðsbóndi junior er farinn að auka um sig umsvifin, er mjög öflugur og áhugasamur í sauðfjárrækt og leggur áherslu á litríka ræktun en er núna kominn í hænsnabúskapinn.

Þær eru 9 talsins og ekta íslenskar landnámshænur, dugar sko ekkert minna til! :) 

Ármann Örn sonur Boggu er lærður einkaflugmaður og er að flytjast á Norðurlandið um þessar mundir, um daginn var hann hér í heimsókn og leigði flugvél til að safna inn flugtímum. Hann fór í loftið frá Akureyri með Boggu (mömmu) með sér í sinni jómfrúarferð en lenti svo á Melgerðismelavelli og tók þá Bigga og Sindra með í útsýnisflug þaðan. Skemmtu þau sér öll frábærlega og geta ekki beðið eftir að komast aftur, kannski þorir Herdís þá með ;)

Nanna Lind er að vinna í bænum og njóta lífsins þar á milli og skellti sér til Parísar með sínum heittelskaða um daginn í vikutíma. Tóku þau París með trompi og náðu að skoða allt sem vert er að skoða á 7 dögum.

Ung blómarós í París

Nanna og Darri í París

Það er nú ekki hægt að setja inn frétt hérna án þess að minnast NEITT á hross og læt ég þessa rekstrarmynd fylgja, það var farið í stutta hestaferð um daginn, riðið inn í Halldórsstaði og til baka nokkru seinna og var það þrælgaman. Þessi mynd er hins vegar bara úr einum heimarekstrinum.

Þessi folöld eru:

Fyrst skal nefna þessa fyrirsætu en móðir hans er Snælda frá Árgerði og er þetta hestur eins og glöggir geta séð á myndunum :) Þessi er í eigu Árgerðishjónanna

Og þessi er undan Silfurtá frá Árgerði og er einnig hestur og í eigu Litla-Garðshjónanna

Fæddust nokkur undan honum Gangster okkar og bindum við vonir við hann sem kynbótahest, aðeins búið að temja undan honum og folöld og tryppi virka gullfalleg, hreyfingargóð og mjög skynsöm. Einnig litfögur, Gangster hefur gefið ýmsa liti og þ.á.m þennan fallega glófexta faxlit.

Hér er hluti afkvæma hans fædd hjá okkur 2013:

Þessi fallegi foli er undan Kjarnadótturinni Hremmsu frá Litla-Garði - Eigendur Biggi og Herdís

Annar myndarfoli undan Tývu frá Árgerði en hún er undan Tývari frá Kjartansstöðum og Kveikju frá Árgerði - Eigendur Magni og Dísa

Okkur vantar reyndar betri mynd af þessum en hann er einn sá flottasti sem hefur komið lengi, hestfolald undan 1.v hryssunni Væntingu frá Ási - eigendur Herdís og Biggi

Falleg móálótt skvísa undan Blikudótturinni Gná frá Árgerði - Eigendur Magni og Dísa

Næst í röðinni er lítil dúlla sem hefur hlotið nafnið Víma frá Litla-Garði en móðir hennar veiktist illa í vetur og var í rauninni milli heims og helju en var hjúkrað til heilsu og var mikilli ótti yfir að hún hefði látið fylinu en kom ekki sæt móálótt gella - Móðirin er 1.v hryssan Tíbrá frá Ási

En látum þessi duga í bili, more coming up :)

Þá voru nokkrir ungir og efnilegir að eignast sína síðu hérna á facebook. Allt eru þetta skemmtilega ættaðir og efnilegir folar. Endilega heimsækið þá og sjáið framtíðargæðingana :)





HÉR ERU SÍÐURNAR ÞEIRRA

Veðurguðirnir leika aldeilis við okkur þessar vikurnar og er bara Spánarveður dag eftir dag, viku eftir viku hérna. Alltaf er nóg að gera í sveitinni og verður þessi fréttafærsla ansi blönduð af alskyns efni og myndum :)

Gangsterinn er farinn að taka á móti hryssum á húsmáli ef húsmál mætti kalla. Þær eru í hólfi rétt við bæinn og er hann aðeins hjá þeim á daginn og undir miklu eftirliti, þ.e hvenær þær beiða o.s.frv. Fékk hann þangað miklar drottningar í röðum og eru 10 1.v hryssur þar t.d.





Verður þetta fyrirkomulag þar til honum verður sleppt í stórt hólf í Miðgerði og tekur þar á móti hryssum á fyrra gangmál. Ekki er annað að sjá en að honum líki það vel.

Biggi skellti sér í úrtöku á Blönduós með hryssu í eigu Magga í Steinnesi sem hefur verið hjá okkur í þjálfun í vetur og einnig í fyrra en það er hin 6.v Skerpla frá Brekku í Fljótsdal. Gekk það alveg glimrandi vel og urðu þau efst í A-flokki eftir forkeppni og hlutu þar með farmiða á FM vesturlands og enduðu svo í 2.sæti eftir úrslitin.









Skerpla er undan Gustssyninum Grásteini frá Brekku og er virkilega skemmtileg, létt og fjaðurmögnuð hryssa. Hún er gríðarvaxandi og er hægt að stilla henni upp nánast hvar sem er, íþróttakeppni eða gæðingakeppni. Skerpla er til sölu og er best að hafa samband við Magga beint ef áhugi er fyrir hágengri, skemmtilegri, taumléttri alhliða hryssu.

En það fylgir nú alltaf miðum júní að koma fénu á fjall og er það nú alltaf svoldið skemmtilegt. Núna fóru Herdís, Biggi og Sindri Snær saman með þær og gerðu sér glaðan dag með.


Kindurnar heldur betur klárar að komast uppeftir


Og aðalsmalinn heldur betur klár líka á uppáhalds Vissu sinni


Þær rata nú :)


Adios amigos, sjáumst í haust


Sindri og Skundi


Myndarfeðgar í kvöldsólinni


Oooog myndarmæðgin líka :)


Gleði gleði - sumargleði

Gangster á hægu tölti 

Gangster á orðið nokkur afkvæmi og eru elstu afkvæmin nú á fjórða vetur. Er búið að temja tvö þeirra og sýna einn sem sjá má hér fyrir neðan. Folöld og tryppi undan honum lofa mjög góðu, fljót að læra veturgömul þegar þau eru tekin til fortamningar, forvitin og námsfús, kát og skemmtileg. 

Geysir frá Árgerði   f. 2012

F. Gangster 

Vaka frá Árgerði f. 2012

F. Gangster

Nn frá Árgerði

F. Gangster 

Nn frá Litla-Garði f. 2012

F. Gangster 

Endilega hikið ekki við að hafa samband ef þið hafið spurningar, [email protected] eða 8961249 Stefán Birgir

Sindri keppti á Tristanssyninum Tóni frá Litla-Garði sem hann fékk lánaðan hjá mömmu en Tónn er frúarhesturinn á bænum. Algjör dýrgripur sem allir geta riðið á og haft gaman af. 

Mót þetta var gæðingakeppni Funa og var riðin hefðbundin forkeppni með feti og stökki.

Flottir einbeittir félagar í úrslitunum

Flottur ! 

Hér má sjá hann Farsæl

Hér má sjá video af Gangster sem tekið var í fordómnum :)

http://www.youtube.com/watch?v=UxPjul7B5qE

Sýnd voru 10 hross og þar af 7 í fullnaðardóm og 3 einungis byggingardæmd. 8 hryssur og tveir stóðhestar. 

Gyðja frá Árgerði er 6.v hryssa undan Kjarna og Gná frá Árgerði og í eigu Ásdísar og Sigursteins pabba hennar. Hún hlaut 7.89 fyrir byggingu og 7.66 fyrir hæfileika og 7.75 út og á inni báðum megin að okkar mati og er stefnt á síðsumars aftur. 

Dögun frá Uppsölum er 6.v klárhryssa undan Borða frá Fellskoti og Teistu frá Stóra-Vatnsskarði og í eigu Sunnu Alexandersdóttur og Hákons Arnarssonar. 

Emilíana okkar frá Litla-Garði er 7.v klárhryssa undan Glym og Elvu frá Árgerði og í eigu Litla-Garðshjónanna. Henni gekk ekki sem skyldi þetta skiptið, akkúrat í bullandi hestalátum en hún hlaut 7.45 í aðaleinkunn skeiðlaus og á alveg helling inni. 

Karen frá Árgerði er 7.v dóttir Hágangs frá Narfastöðum og Kveikju frá Árgerði og einnig í eigu Litla-Garðshjónanna. 

Sigurdís frá Árgerði er líka 7.v dóttir Hágangs frá Narfastöðum og Silfurtá frá Árgerði, hún hlaut 7.98 fyrir byggingu og 7.69 fyrir hæfileika og 7.81 í aðaleinkunn. 

Þær sem voru byggingardæmdar voru Aldís frá Krossum 5.v undan Álfi frá Selfossi 7.68, Gletta frá Kolgerði 4.v undan Kosti frá Skagaströnd 7.85 og Gerpla frá Nautabúi 7.v undan Glampa frá Vatnsleysu 7.76.

Gangster frá Árgerði og Biggi áttu sannkallaða stjörnusýningu í gær 05.06 en þeir hækkuðu dóm sinn bæði fyrir byggingu og hæfileika frá því Gangster var 5.v og sýndur sem klárhestur. Hlaut Gangster þá 8.11 fyrir byggingu og 8.20 fyrir hæfileika og þar af 9.0 fyrir tölt, brokk. stökk og vilja. 

Núna er Gangster orðinn 7.v og aldeilis klár í að sýna allt sem í honum býr. Hlutu þeir félagar glæsitölur í gær en byrjuðu á að hækka byggingardóminn í 8.16 þar sem hann hækkar um hálfan fyrir bak og lend og prúðleika en heldur sér annars staðar. 

Gangster er það sem má kalla klárhest með skeiði :) hann á meira segja aðeins inni í hæfileikum en yfirlitið er eftir, hæga stökkið var fullhratt að dómaranna mati og hlaut hann 5 fyrir það og þ.a.l aðeins 8.0 fyrir stökk en hann var með 9.0 fyrir. Hvort hann haldi níunni þar kemur í ljós á morgun föstudag en með þessari skeiðeinkunn yrðum við alsæl með 8.5 og teljum hann eiga það allavega alveg skuldlaust. 

Svífur vel á brokkinu ..

Já og skeiðinu líka :) 

Úrvals geðslag og fullkominn vilji! 9.0 fyrir fet - klár í það hvenær sem er

Engin gangtegund slæm

Frábærir félagar Gangster og Biggi ! :)

Jæja fyrsta folaldið fædd í Litla-Garði. Var þá vel við hæfi að mynda 4.v albróður folaldsins og birta færslu um þau saman. Systkini þessi eru undan tveimur hrossum í okkar eigu, þeim Gangster frá Árgerði og Sónötu frá Litla-Hóli

Byrjum á lítilli dömu sem heilsaði heiminum í nótt eða morgun, rauðskjótt (þó um það megi deila ;)) En sokkótt á öllum fjórum, með smástjörnu og lítinn hvítan blett á annarri síðunni. 

Næstur er það stóri bróðir, Farsæll frá Litla-Garði en hann er úr fyrsta árganginum sem taminn er undan Gangster. Hann er sameign okkar og Magnúsar Inga sem vann hjá okkur fyrir nokkrum árum. Magnús tamdi hestinn framan af vetri og er hann nýlega kominn norður í paradísina ;) stefnt er með hann í dóm í vor ef allt gengur eftir. 

Var haft eftir bóndanum að annað eins fjögurra vetra tryppi hafi hann varla setið á, krafturinn og viljinn frábær, fullt af rými og allur gangur laflaus og vandamálalaus. Ekki til sjónhræðsla sem er vanmetinn kostur að okkar mati. Hlakkar okkur gríðarlega til að kíkja í fleiri afkvæmi Gangsters á komandi árum en hann virðist ekki vera síður kynbótahestur en gæðingur sjálfur.