Stígur frá Litla-Garði IS2011165652

Brúnn hestur / Brown male 
M: Tvístjarna frá Árgerði IS1996265664 
M.M Tinna frá Árgerði A.e 7.55
M.F: Skuggi frá Árgerði
F: Tristan frá Árgerði

F.F: Orri frá Þúfu

F.M: Blika frá Árgerði

Stígur er fallegur og spennandi ungfoli. Hann er undan gæðingnum og gæðingaföðurnum ættstóra Tristan frá Árgerði. Tristan er undan Bliku frá Árgerði sem var eina hrossið sem hlaut einkunnina 10.0 fyrir geðslag þegar sú einkunn var gefin sér.

Sýndar hafa verið undan Tvístjörnu tvær hryssur  og önnur þeirra er undan Svip frá Uppsölum og heitir Örk frá Litla-Garði, sú var sýnd 4.v og hlaut 7.91 fyrir byggingu og 8.0 fyrir allt nema 8.5 fyrir stökk, 6.5 fyrir skeið og 7 fyrir brokk. Örk var seld sem tryppi og var kaupandi Fákshólar og fundum við þessar myndir af henni þar:

Tvístjarna er ósýnd hryssa en hefur engu síður verið að skila skemmtilegum hrossum. Hún var sjálf viljug, næm og verulega léttstíg og skemmtileg. Hér er myndir af hinni dóttur hennar sem sýnd hefur verið, Tíbrá frá Litla-Garði en hún er undan Tvístjörnu og Kiljan frá Árgerði sem er auðvitað sammæðra Tristan og undan Nagla Orrasyni frá Þúfu. Tíbrá var sýnd 5.vetra gömul nú í sumar og hlaut m.a 8,0 fyrir tölt, skeið og fegurð í reið og 8.5 fyrir vilja/geðslag, 7.91 fyrir hæfileika og 7.82 í aðaleinkunn.

Tíbrá frá Litla-Garði

Stígur fer um á tölti og brokki með miklum fótaburði. Við teljum hann mikið efni í keppnishest!

Magnað tækifæri til að kaupa keppnishest framtíðarinnar strax hér á mjög sanngjörnu verði, kr. 100.000

Einnig erum við komin með Facebook síðu þar sem myndir, fréttir og fleiri skemmtilegt er, endilega kíkjið og smellið á Like:

http://www.facebook.com/pages/Litli-Gar%C3%B0ur-ehf-Hrossar%C3%A6ktarb%C3%BA-og-tamningarst%C3%B6%C3%B0/213371568709889

Frábær jólagjöf til dæmis eða framtíðarhestur fyrir þig .. Hestfolald með frábæra takta! Mikill fótaburður, fjaðrandi hreyfingar, flottur litur og laus gangur.


    
Rósinkranz frá Litla-Garði IS2011165651

Rauður tvístjörnóttur hestur / Dun with star and a snip male
M: Sunna frá Árgerði
F: Gangster frá Árgerði

Desember og Jólatilboð: 100.000 kr

Fótaburðarmaskínan Gangster, pabbinn. Einhver alskemmtilegasti hestur hægt er að setjast á, rými endalaust og geðslag og vilji í algjörum sérflokki.

Móðirin Sunna frá Árgerði er eina hryssan í hópnum undan hinum magnaða Brynjari frá Árgerði, Kolfinns og Snældu syni.

Búið er að temja þrjár elstu dætur (´06-´08) Sunnu og eru þær auðveldar, ganghreinar og fallegar. Úrvals reiðhross með frábærum möguleikum á ræktun eða keppni.

Foli sem vert er að líta á!









I´m so pretty, oh so pretty :)

Þá er desember alveg að detta í garð og Vetur konungur ákvað að hætta þessum aumingjaskap og láta okkur Íslendingana aðeins finna fyrir því að búa á hjara veraldar. Er þá alveg gráupplagt að vinna í að uppfæra síðuna okkar en hún er jú unnin með metnaði og áhuga á að gera hana eins frábæra og unnt er. Erum við að vinna í að setja gömlu mögnuðu ræktunarhryssurnar inn með þeim sem ganga enn á grænni jörð í dag, en þær eru margar hverjar ættmæður flestra hrossanna okkar í dag. Þónokkur heiðursverðlaunin hafa dottið í hlut Árgerðishrossa í gegnum árin og eru þau hross langt í frá öll með sinn heiðursstað á þessari annars ágætu síðu. Stefnan er að bæta úr því, eins eru aðrir mætir gæðingar sem unnu sér stað í hjörtum okkar með öðrum störfum en kynbótum, en geldingarnir hafa nú verið margir magnaðir gegnum árin og er verið að vinna í sérstakri síðu fyrir þá.

Also for you english readers, newspage in english will start today and every news and other things will appear there. Hope you haven´t lost your patience on waiting for this to happen. Perhaps there also will be news in german if asked for. Just let us know please :)

En þrjár mætahryssur hafa fengið sína síðu núþegar hér en það eru þær Nótt frá Árgerði, Irpa frá Árgerði og Hekla frá Árgerði.

Tamningarnar ganga sinn vanagang og erum við með mjög fjölbreyttan og spennandi hóp tryppa í tamningu. Verður gaman að vinsa úr þessu og velja hvað skal vera inni í vetur og hvað ekki en hæglega væri hægt að hafa þau mörg.

Ætla að enda þessa frétt á einni gamalli mynd:



Hafþór Magni á tveimur mögnuðum hryssum. Sú fyrri heitir Mollý frá Árgerði f.´89 og er undan Ófeigi frá Hvanneyri og Fjólu frá Árgerði (systir Elvu frá Árgerði). Þessi hryssa var frábært reiðhross og hlaut m.a 8.7 fyrir tölt í kynbótadómi. Var seld og er nú í Þýskalandi.

Seinni hryssan heitir Toppa frá Kristsnesi f.´91 og var hún lengi vel hjá okkur í þjálfun og bara í láni, en hún var frábært reiðhross. Hún er undan Snældu-Blesa frá Árgerði og Tá frá Höskuldsstöðum. Hún var sýnd með 7.81 í aðaleinkunn. Hún er nú ræktunarhryssa í Kristnesi og hennar hæst dæmda er Hespa frá Kristnesi undan Blæ Torfunesi sem hlaut 8.14 fyrir hæfileika í sumar og þar af 9.0 fyrir skeið.

Elva frá Árgerði - Minning

Elva frá Árgerði var fædd Magna Kjartanssyni Árgerði árið 1982. Faðir hennar var Snældu-Blesi frá Árgerði en saga hans var fræg er hann fótbrotnaði 5.v gamall en lesa má um það bráðlega hér á síðunni. Móðir Elvu var Fjóla frá Árgerði, Pennadóttir frá Árgerði. Fjóla var klárhryssa, ósýnd en átti þó nokkur folöld og skilað góðu í framræktun. T.d Elva auðvitað, og svo Græja frá Árgerði einnig sem er móðir hinnar frábæru Vonar frá Árgerði sem hlaut 8.60 fyrir hæfileika og stóð sig frábærlega á keppnisvellinum og svo var Mollý frá Árgerði sem hlaut m.a 8.7 fyrir tölt í dómi. Elva var frumtamin á fjórða vetur af Magna í Árgerði og gekk tamningin vel í alla staði. Elva var alltaf þæg og meðfærileg en frekar klárgeng framan af. Gangsetning gekk þó vel og var Elva sýnd 4.vetra gömul og hlaut þá 7.50 í aðaleinkunn. Elva var svo í þjálfun áfram og bætti sig mikið og var svo sýnd aftur 5.v og hlaut þá 8.5 fyrir tölt og 8 fyrir rest skeiðlaus. Byggingardómur var 7.93 og hæfileikadómur 7.71 og a.e var 7.82. Eftir þetta fór Elva í folaldseignir, 1988-1990 og átti þrjú folöld, árið 1990 var hún geld og tekin aftur á hús og þá tók Herdís við að þjálfa hana. Þeim samdi svo frábærlega að Magni endaði með að gefa henni hryssuna. Þau hjú héldu áfram að þjálfa hana og hún hlaut svo sinn hæðsta dóm 1992, þá 8.05 fyrir byggingu m.a 9 fyrir bak og lend, og 7.83 fyrir hæfileika, m.a 8.5 fyrir tölt, brokk og fegurð í reið. Herdís sýndi hana sjálf.  Það var keppt mikið á Elvu á árunum 1991-1993, í tölti og fjórgangi með góðum árangri, oftast í efstu sætum.

Biggi var með Elvu sem þjálfunarhest í F.T prófi, þar átti að sýna fjórgangsprógram og fimipróf. Þar komu þau inn, alveg fersk og hrá úr sveitinni og kunnu jafnlítið þegar kom að fimiprógraminu, hafði Eyjólfur Ísólfs prófdómari m.a orð á því að alltaf væri gaman að hitta svona bjartsýna menn. Ákvað Biggi því að leggja sig allan í það og valdi brokkið fram yfir töltið sem grunngangtegund í prógraminu, allar æfingarnar æfðar, krossgangur, framfótarsnúningur og sniðgangur með góðum árangri, brokk á baug og slöngulínur og svo auðvitað stökkið með. Svo fór að þau náðu Fimiprófinu með góðri einkunn. Nokkrum dögum seinna var svo fjórgangsprógramið og átti það var vera eins og að drekka vatn, svo oft hafði þetta prógram verið riðið á henni. En nei, úbs... Töltið var alveg týnt, fimiprógramið og öll brokkreiðin hafði farið svoleiðis í hana Elvu kelluna að henni leið svo vel á grunngangtegundunum að töltið var ekkert í boði. Var farið yfir grunnatriðin á ný og merin gangsett í snartri og náðu þau svo fjórgangsprófinu einnig með sómaeinkunn.

Hlaðin verðlaunum

Biggi situr hér Elvu og Herdís Kolbein frá Árgerði og Magni stendur stoltur á milli þeirra

Elva var eðlishágeng og geðgóð hryssa sem nánast hver sem gat riðið. Hún hefur skilað því vel til afkvæmanna sinna og gert góða hluti sem kynbótahryssa. Alls átti Elva 14 afkvæmi og verður þeirra getið hér.

Fyrsta afkvæmi Elvu 1988 var mósótt hryssa undan Ófeigi frá Flugumýri. Það var Gletta frá Árgerði, sem Gunnar Arnars keypti svo unga og hún hefur skilað honum ófáum gæðingunum.  Hún er ennþá lifandi og enn að skila folöldum en hefur átt 14 afkvæmi, 7 þeirra hafa komið til dóms, 4 í 1.v og þrjú í góð 2.v. Gletta hlaut sjálf 1.v í kynbótadómi.

Annað afkvæmi var Blossi, f. 1989, undan Flosa frá Brunnum. Hann var geltur og seldur sem reiðhestur. Hann er nú í Hollandi.

Þriðja afkvæmið fæddist 1990 undan Bjarma frá Árgerði sem það var rauðblesótt hryssa sem drapst.

Fjórða afkvæmið fæddist svo 1994 og þá í eigu Herdísar. Það var brún hryssa undan Baldri frá Bakka sem heitir Elja frá Teigi. Það var frábær hryssa í alla staði sem var seld með mikilli eftirsjá.

Elja frá Teigi

Erro, sonur Elju

Fimmta til sjöunda afkvæmi hennar voru hestar sem voru geltir, Eðall frá Teigi fæddist 1995 og var undan Þorra frá Þúfu, var seldur og er nú staðsettur í Svíþjóð, 1996 fæddist brúnn hestur undan Kjark frá Egilsstaðabæ nefndur Stelkur frá Teigi, er nú reiðhestur fyrir sunnan og 1997 fæddist rauðstjörnóttur klár undan Gusti frá Hóli nefndur Erró frá Teigi, hann var seldur innanlands.

Stelkur ásamt eiganda sínum.

Svo kemur Evíta frá Litla-Garði árið 2000 eftir að Elva hafði verið geld 1998 og ´99. Evíta er undan Svarti frá Unalæk og er mikill gæðingur. Fór 5.v gömul í 1.v með 8.12 fyrir hæfileika þ.a 8.5 fyrir tölt og hægt tölt, brokk, stökk og vilja. Einnig slógu hún og heimasætan Nanna Lind í gegn á Gæðingamóti Funa þar sem þær, 11 ára og 5 vetra gerðu sér lítið fyrir og rústuðu B-flokknum með yfirburðum ásamt því að vinna Barnaflokkinn. Var hún seld fylfull við Gusti frá Hóli ásamt annari 1.v hryssu og kaupandinn var Ketill Ágústsson, gegna þær hlutverki kynbótahryssna þar.

Evíta og Nanna í B-flokksslagnum.

Árið 2002 fæðist jörp hryssa undan Þokka frá Árgerði, Snilld frá Litla-Garði. Var var seld ósýnd og er nú staðsett í Slóveníu.

Árið 2003 fæðist svartstjörnóttur hestur undan Tristan frá Árgerði sem var geltur, og seldur tveggja vetra suður. Þetta er hann Hvinur frá Litla-Garði. Hann komst aftur í eigu fjölskyldunnar þegar hann var 5.v gamall þegar Ásdís og pabbi hennar taka hann upp í keppnishest sem þau voru að selja. Hann hefur gert frábæra hluti á keppnisvellinum ásamt því að ná 7.96 í aðaleinkunn í kynbótadómi þar af 9.0 fyrir hófa og 8.5 fyrir skeið og vilja/geðslag.

Hvinur og Ásdís á Svínavatni 2011

Árið 2004 fæðist rauð hryssa undan  Svip frá Uppsölum nefnd Elding frá Litla-Garði. Hún var seld ung að árum innan Eyjafjarðar og var í þjálfun hjá Bigga og hún hlaut 7.70 í aðaleinkunn.

Svo fæðist árið 2005 grá hryssa undan Hrym frá Hofi, nefnd Evelyn frá Litla-Garði. Hún er sannkallað hestagull sem hefur aldrei og mun aldrei verða föl. Hún og sú næsta eru einu hryssurnar sem hjúin í Litla-Garði eiga út af Elvu sinni. Evelyn var sýnd síðastliðið sumar klárhryssa og hlaut 1.v. 8.5 á línuna fyrir hæfileika nema 8.0 fyrir fet og hægt stökk og 8.5 fyrir háls og herða, bak og lend, samræmi og prúðleika og 8.0 á rest. Hvergi undir 8.0 nema fyrir skeið í allt. Hún verður í þjálfun í vetur og stefnt er með hana aftur í dóm og eitthvað í keppni og svo undir hest næsta sumar.

Nanna Lind og Evelyn sigruðu unglingaflokk á Bæjarkeppni Funa

Árið 2006 fæðist síðasta afkvæmi Elvu, undan heimahestinum Glym frá Árgerði. Það er rauð falleg hryssa, einnig klárhryssa sem heitir Emilíana. Hún lofar virkilega góðu og er stefnt á að halda henni í ræktun komandi ára líkt og Evelyn. Hún verður í þjálfun í vetur og er stefnt með hana í dóm í vor.

Elva átti semsagt 13 folöld. 6 af þeim voru sýnd, 5 hryssur og 1 geldingur. 3 þeirra hlutu 1.v, 2 með 7.96 og 7.98 (alveg við 1.v) og 1 með 7.70 sem er góður árangur. Einnig er hún nú þegar farin að framræktast vel þar sem elsta afkvæmi hennar hefur skilað Gunnar Arnarssyni Auðsholtshjáleigu hverjum gæðingnum á fæti öðrum, m.a fjögur í góð 1.verðlaun. Ættboginn hennar hefur gegnum tíðina verið áberandi á keppnisvellinum, enda fjölhæf og fasmikil ganghross yfirleitt þó leynist klárhross inn á milli. Yfirburða ganggóð og viljug en ávallt meðfærileg og skemmtileg. Elva var felld árið 2007

Elva og Herdís lengst til hægri í Grímutölti

Biggi á Blesu frá Rifkelsstöðum og Herdís og Elva

Jæja þá er haustið skollið á með sinni árvissu "lægð" í sýningar og keppnishaldi. Guði sé lof fyrir svona pásur, yrði ansi leiðigjarnt allt árið um kring. Hins vegar eru haustin blómatími sölu og notar fólk þá gjarnan tímann til að finna draumahestinn til að eiga á komandi ári eða komandi árum.

Réttirnar eru búnar og flestallt féð er komið heim :) Alltaf gaman af þessum ullarhnoðrum.



Mónalísa frá Tyrfingsstöðum er að komast í gott form á ný og kemur fljótlega inn nýjar myndir og video. Hún er á söluskránni. Verð: 300.000 kr

Við erum eins og er með fullt af alls kyns söluhrossum og ætlum á næstu tveim vikum c.a að uppfæra sölusíðuna. Í millitíðinni eru þau hross sem enn eru þar inni til einnig í trimmi hjá okkur. Reiðhestar og reiðhryssur, ungviði og allt upp í keppnis og kynbótahross.

Einnig er búið að sóna frá stóðhestunum og kom það vel út, Tristan með mjög góða útkomu, allar fylfullar nema ein held ég og eins hjá Gangster.

Tíbrá frá Litla-Garði Kiljansdóttir 5.v er nú fylfull að sínu fyrsta folaldi og að eigandans ósk voru teknar lokamyndir af henni áður en dregið var undan henni og má sjá þær í myndaalbúminu undir Hross í Þjálfun og einnig er myndin hér að ofan af henni.


Tíbrá frá Litla-Garði september 2011

Góðan daginn

Þá er september skollinn á og það með látum. Rigning og þoka hefur einkennt þessa viku sem liðin er af "haustinu" og fara vonir um gott haust sökum dapurs sumars dvínandi. En best er að gefa ekki upp alla von strax og halda í vonina um fleiri sólargeisla og notalegs veðurs.

En lokamót sumarsins hér í Eyjafirði er yfirleitt Bæjarkeppnin gamla góða. Var hún síðustu helgina í ágúst og auðvitað fjölmennti Litla-Garðsliðið þangað. Biggi var reyndar að leggja lokahönd á heyskapinn en sá fram á nokkrar lausar klukkustundir á sunnudeginum og skellti sér með og kláraði svo bara um kvöldið og var heyskapssumarið hér eiginlega framar vonum eins og það leit út í byrjun sumars.

En til að byrja á yngsta meðlimi liðsins og færa sig svo ofar þá er vel við hæfi að byrja á Sindra Snæ 8 ára.


Hann keppti á Kyndli "sínum" 6 vetra gömlum og voru þeir hrikalega flottir. Hjá þeim yngstu fóru allir heim með verðlaunapening og verðlaunað voru þrjú efstu sætin og ekki raðað eftir það. Sindri sagðist þá þrælánægður hafa lent í 4-6 sæti :)


Nanna Lind fékk Evelyn lánaða hjá mömmu sinni (og Ásdísi þjálfara hennar ;)) og sigraði unglingaflokkinn með glæsibrag á henni.


Björgvin fékk Glettingu lánaða hjá Bigga og Magna og var eini þátttakandinn í ungmennaflokki. Hann var settur með stóru körlunum í flokk og voru margir á þeirri skoðun að hann hefði átt að standa efstur þar. En hann rústaði þá spilaúrdrættinum og fór með bæði eignarbikar og stóra farandbikarinn til þeirra sem hann keppti fyrir sem voru Gullbrekka


Svakalega stoltur !!


Nanna skellti sér á Vísinum sínum í kvennaflokkinn og gekk ágætlega og sýndu þau sína flottu takta en enduðu ekki í topp 3.


Og Ásdís ákvað að mæta með einn glænýjan, Brján frá Steinnesi 5.v og enduðu Brjánn og Ásdís í 2.sæti.


Biggi smellti sér í karlaflokkinn á Glóðari frá Árgerði og voru þeir flottir og enduðu í 2.sæti eftir jafna keppni. Glóðar er gríðarlega vaxandi alhliðahestur, skrefmikill og viljugur. Hann er til sölu og sjá má allar upplýsingar og video á sölusíðunni.

Sjá má fleiri myndir frá Bæjarkeppni á myndasíðunni okkar.

Fjárgöngur og réttir voru síðastliðna helgi og fengu gangnamenn og konur rigningu og svartaþoku og eðlilega skilaði sér langt í frá allt fé af fjalli. Svona er nú Ísland í dag

Endilega gerið LIKE á okkur á Facebook (smellið á myndina) og fylgist þar frekar með fréttum og myndum: