29.03.2015 17:47

Kea mótaröðin og Faxaborg


Sæl á ný.  

Undarfarnar vikur hafa gengið prýðilega fyrir sig, tamningar á fullu og alltaf nóg að gera.

Þessi helgi var til að mynda ansi þéttbókuð og þurfti aðeins að púsla sem svo oft áður til að dagskráin gengi upp.

Kea mótaröðin var nú á föstudagskvöldið og í þetta sinn var keppt í tölti. 

Fórum með tvö hross frá okkur, Biggi með Aldísi frá Krossum og Jóhanna með Emiliönu frá Litla-Garði. Eitthvað var Emiliana feimin við höllina og sýndist ekki sem skildi en Biggi komst með Aldísi í úrslit og höfnuðu þau í 4ða sæti í opnum flokki með einkunina  6,83.

 Aldís frá Krossum. 


Gangster þurfti aftur á móti að vera komin í Borgarnes á föstudaginn og vorum við svo heppin að Hafþór sonur okkar og fjölskylda tók hann með sér suður á föstudagsmorgun, svo hann gæti hvílt sig á ferðalaginu og tekið á því á laugardagskvöldið.  

Biggi brunaði síðan suður á laugardagsmorgun til að taka þátt í sýningunni í Faxaborg.


varð að leyfa einni "Arti" að fljóta með :)


Kynningin var sem sagt!

 Vesturlandssýning í Faxaborg í Borgarnesi  á laugardagskvöldið en á því svæði "nánar tiltekið Arnbjörg á Mýrum"  verður Gangster einmitt tvö gangmál í sumar . Nú þegar er orðið fullt hjá honum  fyrra gangmálið og tekið er niður á biðlista. Um að gera að skrá sig sem fyrst.


Biðst velvirðingar á blörruðum myndum en þið þekkið vonandi kallana.


Gangster í Faxaborg Borgarnesi í gærkvöldi.

Hæga töltið

Og að sjálfsögðu klikkaði ekki skeiðið.

Gekk sýningin með ágætum þótt heldur sé nú Gangster hrifnari af grænum grundum heldur en reiðhöllum, enda kannski ekki skrítið þar sem að hann þekkir það umhverfi mun betur :)

Biggi og Gangster hvíldu sig eftir sýningu en tóku daginn snemma eins og þeir eru vanir að gera og voru komnir aftur heim í Litla-Garð rétt upp  úr hádegi.

Vonum að þið hafið átt góða helgi kæru lesendur.

Bestu kveðjur úr Djúpadal.









,

13.03.2015 22:05

Afkvæmi Gangsters.


Sæl á ný.



Gangsterssonurinn Brúnó frá Hólum.


Okkur langar að deila með ykkur nokkrum myndum af Gangsters afkvæmum. 

Við notuðum Gangster lítillega sem ungfola en mest var hann hjá Kalla og Siggu fyrrum Hólabænda í Eyjafjarðarsveit. Var hann hjá þeim í hólfi tveggja og þriggja vetra.

Þau hross sem okkur fæddust á þessum tíma eru öll seld en eitthvað er til af yngri hrossum sem ekki eru komin á tamningaraldur.

Við erum nú samt svo lánssöm að nokkur þessara hrossa hafa ratað hingað inn á tamningarstöðina og fáum við nú að njóta þess að kynnast þeim og þjálfa.

Gangster á nú þegar eitt dæmt afkvæmi, fyrstu verðlauna stóðhestinn Farsæl frá Litla-Garði.


Gangsterssonurinn Farsæll frá Litla-Garði ásamt eiganda sínum Magnúsi Inga Mássyni.



Önnur afkvæmi Gangsters sem eru hér í tamningu og þjálfun eru!


Brúnó frá Hólum er stór og myndarlegur hestur. Viljugur, skrefmikill og á örugglega eftir að gera það gott á keppnisvellinum.



Skrefmikill og flottur hestur.



Orka frá Hólum er einstakslega geðgóð og skemmtileg hryssa. Stefnt er með hana í dóm í vor. Hennar vettvangur verður líklegast fimmgangur. 


Orka tekur sinn fyrsta skeiðsprett.


Orka og Brúnó eru í eigu Kalla og Siggu fyrrum Hólabænda.


Fallegt skref og eðlis fótaburður. 

Mökkur frá Hólum er næsti hestur sem við kynnum til leiks. Hann er búin að vera í gangsetningu í vetur og er mjög lofandi.  


Mökkur frá Hólum Eigandi Vera Roth.


Mökkur er stór og myndarlegur með mikið rými og fótaburð.



Síðust en ekki síst er Eldbrá frá Litla-Garði. Er hún í eigu Johönnu Schultz og er hún jafnframt knapi hennar.


Eldbrá er verulega töff hryssa sem stefnt er með í dóm í vor.


Eldbrá er mjög spennandi efniviður í frábæran töltara.



Þess má geta að öll þessi hross eru á sjötta vetur og eiga það sameiginlegt að vera undan ósýndum mæðrum, fyrir utan Farsæl en móðir hans hlaut 7,59. 

Erum við afar ánægð með þessi tryppi og er það tilhlökkunar efni hvern dag að halda áfram þjálfun þeirra. Þau eru auðveld og fljót til með skemmtileg gangskil.


Látum myndirnar tala sínu máli.


Bestu kveðjur úr dalnum.



07.03.2015 22:38

Síðbúnar þorrafréttir


Komið þið sæl og blessuð kæru lesendur.


Febrúar mánuður er búin að vera frekar stormasamur, þótt veðurguðirnir hafi nú gefið okkur grið inn á milli. Tamningar hafa þó gengið með ágætum og mikið af skemmtilegum efnivið í húsinu.
 Nú hefur Lena Holler bæst í hóp tamningarmanna hér í Litla-Garði og er þá liðið fullskipað.
 
Helstu viðburðir síðast liðinn mánuð eru folaldasýning Náttfara, Bautatöltið og Kea mótaröðin.



Folaldasýning hrossaræktarfélagsins Náttfara fór fram nýlega í Melaskjóli á Melgerðismelum. Sem fyrr var það Eyþór Einarsson sem dæmdi folöldin þar sem bæði voru tekin mið af sköpulagi og hreyfingu. 

Átti Gangster tvö afkvæmi þar í verðlaunasætum, en það var annars vegar Kolbakur frá Árgerði sem var hæstur allra hestfolalda. 
Kolbakur Gangsterssonur er undan  fyrstu verðlauna hryssunni Snældu frá Árgerði.


Kolbakur frá Árgerði.

Glæsilegasta folaldið valið af áhorfendum var Gangsterssonurinn Biskup frá Brúnum.
Hann er undan fyrstu verðlaunahryssunni Birtu frá Brúnum.


Biskup frá Brúnum
Áttum því miður ekki nýlega mynd af honum en hér er ein frá þvi í sumar, glæsilegur er hann, til hamingju Einar og Hugga :)


Bautatöltið var einn af skemmtilegum viðburðum febrúarmánaðar.


Félagarnir Biggi og Höski flottir að vanda. 


Tefldi Biggi þar fram gæðingshryssunni Aldísi frá Krossum sigruðu þau opna Bautatöltið með glæsibrag með einkunnina 7,67. Aldís frá Krossum er því komin með farmiða á stjörnutöltið. smile emoti



Ísdrottningin Aldís frá Krossum.


Sigurliðið á Bautatölti 2015.


Biggi hefur aðeins verið með í KEA mótaröðinni og ákvað hann að fara með skeiðhryssuna Sigurdísi frá Árgerði í sína fyrstu fimmgangskeppni. Var hann sáttur með frumraunina þar sem að þau höfnuðu í 6 sæti í opnum flokk með einkunnina 6,07.



Sigurdís frá Árgerði á flugskeiði.



Látum þetta duga í bili, þangað til næst lifið heil.

Kveðjur frá  Litla-Garði





Átti


11.02.2015 22:25

Á fullum snúning.



Sælir kæru lesendur.

 

Lifið hér í Litla-Garði gengur sinn vanagang,  nóg að gera í tamningum hjá Bigga og Jóhönnu og verður kærkomið að fá þriðja starfskraftinn hana Lenu Höller næstu mánaðarmót.


Eins og þið hafið kannski tekið eftir þá hefur fréttaflutningur verið í lámarki og er ástæðan sú að frúin á heimilinu er farin að vinna fulla vinnu á Meðferðaheimilinu Laugalandi, auk þess sem að hún er afar söngelsk og syngur m.a með kammenkórnum Hymnodiu ásamt fleiri tilfallandi heimilis og bókhaldsverkum o.þ.a.l vinnst  minni tími til  skrifta.


Hymnodia á jólatónleikum.


En við munum lofa ykkur að fylgjast með eftir bestu getu.  Veður er búið að vera ansi óstöðugt það sem af er ári og myndavélin verið meira í skúffunni en í notkun:)

 Sindri Snær stundar skólann og spilar fótbolta með KA  og fór í sitt fyrsta keppnisferðalag "án foreldra" til Reykjavíkur fyrir stuttu og gekk það vel. Æfingar fara fram á Akureyri og er það stundum dálítið púsl að láta alla hluti ganga upp.

Hann fagnaði 12 ára afmæli nú í janúarlok í góðra vina hóp :)


 Flottir strákar í gistipartý :)


Mörg spennandi tryppi eru hér í tamningu og má þar nefna hross undan Óm frá Kvistum, 

Gangster frá Árgerði, Tind frá Varmalæk, Fróða frá Staðartungu, Kiljan frá Árgerði, Álf frá Selfossi, Gígjar frá Auðsholtshjáleigu, og margir fleiri koma við sögu.


Hér á eftir koma tvær ungar efnilegar hryssur ættaðar frá Árgerði.

Þetta er Sena frá Árgerði undan Snældu frá Árgerði og Tind frá Varmalæk.



Sena er á sjötta vetur. Knapi er Johanna Schultz.





Hin hryssan er í eigu Magna og Dísu og heitir Sól frá Árgerði.



Sól er undan Blæ frá Hrafnagili og Sylgju Snældu-Blesadóttir frá Árgerði.

Hún er á fimmta vetur og setin af Litla-Garðs bóndanum sjálfum.


Látum þessar ungu og efnilegu dömur eiga síðasta orðið.


Þangað til næst, lifið heil.

Kærar kveðjur 

frá Litla-Garði og Árgerði




nnnnnnnnnnnnnnnnnnnnnnnnnnnnnnnnn

31.12.2014 10:10

Annáll 2014


Sæl  á ný.

 

Nú árið er liðið í aldanna skaut

og aldrei það kemur til baka,

 

Árið 2014 byrjaði ekkert sérlega vel en 11 janúar fell frá góður vinur okkar og samstarfsmaður Herdísar í tónlistinni til fjölda margra ára, Gunnar Tryggvason. Gunni var öflugur tónlistarmaður, samdi lög, útsetti og lék á hin ýmsu hljóðfæriMinnumst við hans með söknuði og hlýhug . 


Gunnar Tryggvason lagahöfundur og músikant. Mynd tekin 6 jan 2012.



 Að öðru leiti var árið 2014 okkur Litla-Garðs bændum nokkuð gott.

Síðast liðin vetur starfaði hún Kristín Birna hjá okkur og lauk hún störfum hér í vor. Í maí kom til okkar Johanna Schulz en hún hafði nýlokið námi og hlotið BS-gráðu frá Háskólanum á Hólum sem reiðkennari og þjálfari. Starfaði hún hjá okkur út þetta ár og verður áfram langt fram á næsta ár. Aðrar stúlkur komu einnig hér til aðstoðar og má þar fyrst nefna hana Júlíu okkar sem hefur verið hjá okkur áður og kann vel til verka hér á bæ. Maike  og Marlene Nagel voru síðan hjá okkur í haust og fram í desember og þökkum við þeim fyrir vel unnin störf. Það er ómetanlegt að hafa góðar tamningarkonur.

 

Jóhanna og Glymra frá Litla-Garði


Tamningar gengu vel, alltaf nóg að gera bæði í tamningarhrossum  sem og okkar eigin sem er orðin allgóður floti. 

 

Hátindur ársins var klárlega velgengni Bigga með Gangster frá Árgerði á LM þar sem að hann hafnaði í sjötta sæti í sterkasta A flokk sögunnar. Það er mikil viðurkenning fyrir Bigga sem hefur tamið og þjálfað hestinn alla tíð sem og okkar ræktunarbú. Gangster hefur toppað sig  með hverju árinu og meira er ekki hægt að biðja um.

 

Gangster stimplaði sig líka inn sem kynbótafaðir á árinu. Þrátt fyrir ungan aldur á hann nú þegar eitt fyrstu verðlauna afkvæmi og er það hestur úr okkar ræktun, stóðhesturinn Farsæll frá Litla-Garði sem er í eigu Magnúsar Inga Mássonar. Hlaut hann 8,00 fyrir sköpulag 8,32 fyrir hæfileika AE 8,19 sýndur sem klárhestur 5 vetra gamall.

 

Farsæll frá Litla-Garði 4ra vetra.


Fleiri efnileg afkvæmi Gangsters hafa verið hér í tamningu og erum við sérlega spennt  fyrir þeim sem byrjað er á. Brúnó og Mökkur frá Hólum eru stórir og myndarlegir, hreyfingarmiklir og verulega spennandi hestefni. Orka og Melodía frá Hólum eru einnig í uppáhaldi en Gangster var einmitt á Hólum í Eyjafjarðarsveit hjá Kalla og Siggu þegar hann var tveggja og þriggja vetra.

Eldbrá frá Litla-Garði sem er nú í eigu Johönnu Schulz tamningarkonunnar okkar er svakalega efnileg hryssa.

 

Eldbrá frá Litla-Garði knapi og eigandi Johanna Schulz

Það má til gamans geta að öll tryppi sem við höfum sjálf ræktað og sem hafa náð tamningaraldri undan Gangster eru seld. En það er eitthvað til í yngri árgöngum.

 

 Hryssan Mirra frá Litla-Garði var falleg rós í hnappagatið.

 

 Mirra hlaut 8,36 í byggingu, 8,34 í hæfileika og 8,35 til aðaleinkunnar. Þar af  9 fyrir hægt tölt, fegurð í reið, fyrir vilja og geðslag og háls og herðar.

Auk þess hefur hún vakið mikla athygli fyrir sitt fas og exfactorinn hefur hún . Hún tók þátt í nokkrum mótum og skoraði þar hátt bæði í B flokk og töltkeppni.

Hún fékk farmiða inn á LM en helltist og varð af þeirri upplifun. Á þeirri örlagastundu var Mirra í hestalátum og var henni haldið undir Gangster sama dag og keyrt var með hann suður á LM og dugði þetta eina skipti til þess að Mirra varð fylfull. Meiningin er að láta hana eiga þetta  draumafolald og halda síðan áfram að þjálfa hana og stefna með hana í enn hærri tölur.

 

Nokkur folöld fæddust á árinu eða sex talsins og voru þau undan Gangster, Óskasteini frá Íbishóli og Ramma frá Búlandi.

 

Stóðhestarnir sem við notuðum í sumar voru Sær frá Bakkakoti, Loki frá Selfossi, Hróður frá Refstað, Kiljan frá Árgerði og Gangster. Við bíðum sannarlega spennt eftir vorinu.

 

Helstu vonarstjörnur í vetur að meðtöldum áðurnefndum Gangstersafkvæmum!


 

Eldborg  Kiljansdóttir (Árgerði)

Ópera Ómsdóttir

Fjöður Gígjarsdóttir

Viktoría Kapalsdóttir

Sól Blæsdóttir (Hrafnagili)

Óðinn Ómssonur (stóðhestur)

Flygill Fróðasonur  ( stóðhestur)

Sena Tindsdóttir

Kvika Blæsdóttir (Hesti)

Aldís Álfsdóttir

Bergrós Hófsdóttir

og enn eru nokkur ónefnd.

 

Nokkur af okkar hrossum skiptu um eigendur á árinu og óskum við nýjum eigendum velfarnaðar og lukku.

 

 

Sindri Snær var virkilega duglegur í útreiðum í sumar og tók þ.a.l. miklum framförum.  Hann tók þátt í mörgum mótum á Tóni Tristansyninum og kom aldrei heim án medalíu. 



Þar bar hæðst sigur hans á Stórmóti Funa en þar sigruðu þeir félagar með einkunnina 8,65 sem var jafnframt hæsta einkunn mótsins.


 Hann tók einnig þátt í trekk námskeiði á Báru frá Árbæjarhjáleigu sem haldið var á  Melgerðismelum síðast liðinn vetur og sumar og hafði gaman að, en þar er keppt og þjálfað í ýmiskonar þrautabrautum.


 

Við Litla-Garðs hjón urðum einu barnabarni ríkari á árinu en elsti sonurinn hann Hafþór Magni eignaðist sitt annað barn nú í haust. Hann hlaut nafnið Magni Rafn og er þá virkilega buið að festa nafnið í sessi. Fyrir áttu þau Heiður yndislega fjögurra ára snót, hana Viktoríu Röfn. 


Magni Rafn og Viktoría Röfn.

Hafþór og konan hans Heiður eru búsett í Hafnarfirði en Hafþór byrjaði einmitt í nýrri vinnu á árinu og er orðin matráður á togara og gengur það mjög vel enda er hann svakalegur kokkur. 

 

Hafþór Magni, Heiður, Viktoría Röfn og Magni Rafn á skírnardaginn.


Nanna Lind dóttir okkar útskrifaðist af raungreinasviði MA í vor og lauk þar með 4ra ára námi þar. 


Ákvað hún að taka sér ársfrí frá skóla, fékk sér vinnu á Hótel Laxá í Mývatnssveit í sumar ásamt Darra kærasta sínum og stefna þau á heimsreisu nú á nýju ári.


 Næsta haust  stefnir hún á háskólanám. Darri Rafn ætlar suður að klára guðfræðinginn.

 

Magni og Dísa halda áfram ræktun en í mun minna mæli en áður var. Eru þau gömlu nokkuð hress og fylgjast vel með öllu.


 Ásdís Helga frænka Herdísar er sú sem hefur fylgt fjölskyldunni í hestaheiminum sem og annar staðar í áraraðir og ekki hægt að hafa annál án þess að minnast á hana. Síðast liðið ár hefur hún búið á Akureyri og ásamt litla gaurnum sínum honum Elmari Frey.


Hún hefur starfað sem tamningarkona hjá  Baldvin Ara Guðlaugssyni og mun halda áfram þar á nýju ári.



 Tekið var viðtal við okkur Bigga nú á haustdögum frá hestablaðinu Eiðfaxa og vorum við svo heppin að fá að prýða forsíðu blaðsins.


 

Síðasta rósin í hnappagatið á þessu ári var að Litli-Garður hlaut titilinn ræktunarbú ársins á sambandssvæði HEÞ.


Það var virkilega gaman að því og segir til um að ræktunin sé á réttri leið.

 

Um leið og við óskum ykkur gleðilegs nýs árs langar okkur

að þakka viðskiptavinum okkar fyrir góð og ærleg viðskipti á árinu. án ykkar væri þetta ekki hægt.

 

Kærleiksríkar kveðjur frá Litla-Garði.

23.12.2014 17:11

Gleðileg jól


Komið þið sæl kæru lesendur.


Desember hefur liðið ótrúlega hratt og tiðarfarið verið ansi tafsamt því eins og annar staðar er vetur konungur búin að sýna sig hressilega hér með snjókomu og skafrenningi.


Hrossin okkar sem voru fram á dal eru öll komin heim og erum við afar fegin þar sem að það er ekkert lát á fannferginu. Fóru Biggi og Nonni bróðir hans fram eftir á snjósleðum og sóttu stóðið og gekk það prýðilega.



 Síðan tók við að flokka þau í sundur í brjáluðu veðri en við vorum svo heppin að fá góða hjálp við það, en Dóri frændi og Jón mættu galvaskir á svæðið.



Flottir félagar og hálfgerðir snjókallar en erfitt reyndist að hafa augun opin í stórhríðinni :)







Og að sjálfsögðu var öll fjölskyldan að hjálpast að við að koma öllu á réttan stað.




Bóndinn galvaskur að vanda :)




Hluti af stóðinu í hríðarkófi.


En mitt í öllu þessu er jólaundirbúningur á fullu og gerðum við okkur glaðan dag, örkuðum af stað 
og náðum okkur í þetta flotta jólatré. Takið eftir hvað Biggi er að verða vetrarlegur :)



Nanna Lind, Sindri og Biggi búin að finna rétta tréð. Jú og ljósmyndarinn fékk líka að segja sína skoðun :)




Sendum okkar bestu óskir um Gleðileg jól og farsælt komandi ár með kærri þökk fyrir það liðna. 
Megi komandi ár færa ykkur gleði og gæfu.

Húmið förlast,hækkar sól
Hýrna frosnar grundir
Guð þér sendi gleðileg jól
og góðar vetrar stundir.

Lifið heil kæru vinir.





02.12.2014 21:06

Desember



Sælir kæru lesendur. 

Þá er haustið liðið en það var óvenju langt í þetta skiptið og má það þakka veðursældinni.


Óðinn frá Árgerði 3ja vetra stóðhestur undan Óm frá Kvistum og Snældu frá Árgerði fer reglulega skemmtilega af stað. 


Frumtamningar hafa gengið frábærlega, eiginlega sjaldan betur,  mikil og góð vinna hefur verið leyst af hendi, ekki bara í hrossum sem aðrir eiga heldur einnig í okkar tryppum, og eru öll okkar þriggja vetra hross orðin reiðfær.
 Þannig þarf þetta auðvitað að vera en því miður hefur það ekki oft verið þannig að sökum tímaleysis því að sjálfsögðu ganga aðkomuhross fyrir okkar. Þessu öllu þökkum við mikinn og góðan starfskraft, því þegar best lét hafði Biggi með sér þrjá tamningarkonur og þá fara hlutirnir að gerast hratt :)


Flygill frá Litla-Garði 4ra vetra stóðhestur undan Fróða frá Staðartungu og Melodíu frá Árgerði. 
Það er tilhlökkun að tylla sér á þennan í vetur :)


Desember verður fremur rólegur í tamningum, enda þarf að undirbúa veturinn vel, og ákváðum við að taka tíma í það. Jóhanna Shultz, færa og góða tamningarkonan okkar fer í langþráð frí og kemur fersk til baka í byrjun nýs árs. Í byrjun mars bætist við annar stafskraftur, Lena Höller, sem er fær hestastelpa frá Austurríki sem vinur okkar Höskuldur Aðalsteins útvegaði okkur. Hlökkum mikið til að fá hana til starfa. 
Þannig að það verður öflugur starfskraftur og stefnir í skemmtilegan vetur með frábærum efnivið.

Fjórðungsmót Austurlands verður haldið á Stekkhólma við Egilstaði 2 til 5 júlí 2015 og er nú þegar komin mikill hugur í okkur fyrir því. Stefnum við með fjölda hrossa þangað ef að allt fer sem horfir.  


Hin stórefnilega Mirrusystir Eldborg frá Litla-Garði er þegar komin á járn og mikill hugur er í bónda með þessa ungu dömu.

 
Nú verður dittað að hinu og þessu og seinni hluta mánaðar förum við svo að tína fleiri hross inn. 

Þeir sem voru búnir að panta fyrir veturinn eru vinsamlegast beðnir að staðfesta pantanir og nýjir sem og gamlir kúnnar eru að sjálfsögðu velkomnir meðan að pláss leyfir. 

Síminn hjá Bigga er 896-1249

Tamningargjald hjá okkur verður óbreytt þ.e. 60,000 + vsk. 

 
Eigið notalega aðventu :)

Kveðjur frá Litla-Garði





18.11.2014 10:17

Gæðingamóðir fallin.



Sælir kæru lesendur.


Fallin er frá gæðingamóðirin Sónata frá Litla- Hóli.

Sónata var undan Frosta frá Selá og Jörp frá Litla-Hóli.






Þessa hryssu keyptum við af Palla Rist sumarið 1997. Langaði okkur að lífga aðeins upp á litastofninn og  reyndist hryssan einnig hin mesti gæðingur.

Það var alltaf gaman að setjast á Sónötu, fjörviljug, reist og eftirtektaverð hryssa.

Sónata var sýnd 1998 og var við fyrstu verðlaun fyrir hæfileika, eða 7,97, en eitthvað fannst dómurunum hún illa byggð og gáfu henni einungis 7,20. 

Við tókum því nú passlega alvarlega, okkur þótti Sónata okkar falleg og hafa margt gott að bera og fórum því ófeimin með hana inn í ræktunina. 

Þeirri ákvörðun höfum aldrei séð eftir. Þessi hryssa hefur skilað okkur eintómum gæðingum.Alls 8 afkvæmi komust á fót, 6 hestar og 2 hryssur.

 6 afkvæmi Sónötu eru tamin og eru þau með sérstaklega trausta og góða lund , með úrvals tölt með háum fótaburði. Hross sem allir elska að ríða á .

Hér koma myndir af afkvæmum þessarar gæðingamóðir.


Sirkus frá Litla-Garði f. 2002 geldingur - seldur suður
Faðir: Kraftur frá Bringu


Sirkus frá Litla-Garði


Tónn frá Litla-Garði F 2003 F. Tristan frá Árgerði.



Tónn frá Litla-Garði er keppnishestur Sindra Snæs og hafa þeir farið í 8,65 í úrslitum í barnaflokki.



Skjóni frá Litla-Garði f. 2004 - Seldur Camillu Hoj
Faðir: Tristan frá Árgerði



Skjóni frá Litla-Garði hefur verið að gera það gott hjá Camillu í fimmgangi. Þau skeiða sko líka undan henni Sónötu :)


Glymra frá Litla-Garði. F 2008.. 
 F. Glymur frá Árgerði


Glymra er 6vetra hæfileikabomba sem á framtíðina fyrir sér á keppnisvellinum.



Farsæll frá Litla-Garði F 2009. F Gangster frá Árgerði. Eigandi Magnús Ingi Másson


Farsæll er eina sýnda afkvæmi Sónötu enda stóðhestur. 

Hann hefur hlotið  flott fyrstu verðlaun einungis 5 vetra gamall, sýndur sem klárhestur.

Hann hlaut 8 fyrir sköpulag, fyrir hæfileika 8,32,  þ.a. 9 fyrir tölt og brokk og 9,5 fyrir vilja og geðslag og fyrir fet.


Tvö síðustu afkvæmi Sónötu eru fædd 2012 og 2013 og eru alsystkini Farsæls, undan Gangster frá Árgerði. Hér sjáið þið Sindra Snæ með hestinn sinn Tenór frá Litla-Garði. F. 2012



Síðasta afkvæmið hennar Sónötu, Díva frá Litla-Garði. F. 2013 F Gangster frá Árgerði



Gerði Sónata vel við þessa sætu skutlu og gekk hún undir henni fram á vor 2014. 

Illa gekk að koma fyli í Sónötu á ný og þótti það að fullu reynt nú haustið 2014 enda hryssan orðin 22 vetra og búin að skila sínu vel.

Það er alltaf eftirsjá í góðum gripum og kveðjum við hana með söknuði.

Efst í huga er þó þakklæti fyrir þessi frábæru afkvæmi sem við og aðrir eigendur njótum svo sannarlega góðs af.





07.11.2014 16:09

Viðurkenning á ræktun.



Sælir kæru lesendur. 


Nú er nýútkomið Eiðfaxablaðið 
og vorum við svo heppin að fá að prýða forsíðuna þar ásamt Gangsternum okkar.


Mynd. Birna Tryggvadóttir.


Birna Tryggvadóttir sótti okkur heim, tók myndir og fór yfir ræktunarsöguna í máli og myndum. 

Mæli ég eindregið með að þið nælið ykkur í eitt eintak af 10 tlb Eiðfaxa ef þið viljið kynna ykkur söguna. Þökkum við Birnu kærlega fyrir þessa frábæru kynningu og ekki skemmdi nú fyrir hvað hún er hress og skemmtileg.


Gangster frá Árgerði F. Hágangur frá Narfastöðum M. Glæða frá Árgerði LM 2014
Knapi. Stefán Birgir


Ræktunin var skoðuð til hlýtar og rykið hrist af mörgum myndunum, góðar minningar liggja að baki allra þeirra.


 Flestar myndirnar hér á eftir eru úr ræktun Árgerði og Litla-Garðs, 

 Þessi hross hafa öll hlotið fyrstu verðlaun.





Stóðhesturinn Kiljan frá Árgerði, M, Blika frá Árgerði F, Nagli frá Þúfu
Knapi. Stefán Birgir.

Stóðhesturinn Tristan frá Árgerði. F. Orri frá Þúfu M. Blika frá Árgerði 
Knapi. Stefán Birgir.


Stóðhesturinn Glymur frá Árgerði
F. Kraftur frá Bryngu
M. Glæða frá Árgerði


Stóðhesturinn Farsæll frá Litla-Garði F. Gangster frá Árgerði M. Sónata frá Litla-Hóli
Knapi Stefán Birgir


Formóðirin Snælda frá Árgerði og
Magni Kjartansson


Ein af ræktunarhryssunum Tíbrá frá Ási. Knapi Nanna Lind Stefánsd keppir í barnaflokk.


Ræktunarhryssan Von frá Árgerði, F. Kjarni frá Árgerði M. Græja frá Árgerði 
Knapi. Ásdís Helga 



Ræktunarhryssan Melodía frá Árgerði. F. Ófeigur frá Flugumýri. M. Birta frá Árgerði.
Knapi. Stefán Birgir


Ræktunarhryssan Týja frá Árgerði. F. Týr frá Árgerði M. Hrefna frá Árgerði
Knapi. Ásdís Helga.


Ræktunarhryssan Gletting frá Árgerði. F. Tristan frá Árgerði. M Glæða frá Árgerði
Knapi. Stefán Birgir.


Snælda yngri frá Árgerði. F. Orri frá Þúfu M. Blika frá Árgerði
Knapi. Stefán Birgir.


Læt þetta duga í bili, það verður að vera framhald síðar, en það er gaman að fara yfir þessar nýju og gömlu myndir þar sem að mörg hross undan þeim eru nú þegar komin í tamningaraldur og virðast ætla að erfa góðu gen foreldra sinna.




Til gamans má geta að Hrossaræktarbúið Litli-Garður fékk tilnefningu til ræktunarverðlauna þetta árið hjá HEÞ. 

Það á eftir að koma í ljós hver hreppir titilinn, og er bara gaman að fá þessa tilnefningu sem er í raun viðurkenning um að maður sé á réttri leið í ræktunni.

Þangað til næst.

Lifið heil.












,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
,,,

20.10.2014 13:17

Hrossin heim


Komið þið sælir kæru lesendur. 





Göngur og réttir gengur vel fyrir sig og heimtur á sauðfé og hrossum með ágætum. Frumtamingar ganga frábærlega og erum við kát með tryppin okkar sem og annarra sem eru hér í tamningu. Það hefur bæst við starfsfólk og hefur Biggi nú þrjár flottar tamningakonur sér innan handa fyrir utan sína frú sem vasast í allt og öllu. 


Ungfolarnir voru sóttir í ungfolahólfið og litu þeir vel út, feitir og pattaralegir eftir sumarið. 

Ætla að hafa hér smá stóðhestakynningu :)

Flygill frá Litla-Garði er fjögurra vetra foli undan Ófeigsdóttirinni  Melodiu frá Árgerði og Fróða frá Staðartungu.
l

Flygill hefur verið í tamningu í sumar og er verulega efnilegur.



Afskaplega geðgóður og hæfileikaríkur foli.


Í ungfolahólfið sóttum við þrjá bræður undan Snældu yngri frá Árgerði.

 Hittum þessa kátu kalla á okkar leið :)

Einar á Brúnum og Grundarfeðgar hressir að vanda. 


 Sigga í Hólsgerði afhenti folana af mikilli kostgæfni og passaði upp á að allir færu með rétta fola heim. 


Snældusynirnir þrír!

Elstur þeirra er Óðinn frá Árgerði. Hann er undan Óm frá Kvistum og er 3ja vetra síðan í vor. Er hann nýkomin á hús í létta frumtamningu og fer vel af stað.



Næstur kemur Víkingur frá Árgerði. Hann er undan Kiljan frá Steinnesi og er tveggja vetra, stór og myndarlegur foli. 


Víkingur frá Árgerði. F Kiljan frá Steinnesi M Snælda frá Árgerði



Síðastur og yngstur bræðra í þessari upptalningu er Segull frá Árgerði. 


Hann er undan Kolskegg frá Kjarnholtum, algjör dúlla þessi hestur, spyrjandi, kurteis og fallegur.eins og þeir reynar allir eru. 

Og Snælda bætti um betur í vor og kom með enn einn hestinn. Að þessu sinni undan Gangster frá Árgerði. Og sá getur sko hreyft sig og er stórmyndarlegur að auki, þannig að það er ekkert lát á stóðhestum undan henni Snældu enn sem komið er :)

Læt fylgja hér eina með af Gangster frá Árgerði sem var smellt af honum nú á dögunum. Hann hefur það gott  og safnar orku í væntanleg verkefni komandi árs :)


Til stendur að uppfæra sölusíðuna í myndum og munum við tína það inn á næstu dögum,verið endilega dugleg að kíkja inn.  Ég mun einnig setja eitthvað af unghrossunum okkar á facebook síðuna okkar til að leyfa ykkur að fylgjast með.
Sæl að sinni.

28.09.2014 22:15

Gangsterinn komin heim.

Sælir kæru lesendur

Hér í Litla-Garði er allt á fullu í frumtamningum og erum við svo heppin að vera búin að ganga frá ráðningum á tamningarfólki út ágúst 2015. Johanna Schulz nýútskrifaður Hólanemi af þriðja ári hefur starfað hjá okkur í sumar og ætlar að vera hjá okkur langt fram á næsta ár. Önnur stúlka bætist í hópinn í vetur Lena Holler, báðar þrælklárar og góðar tamningarkonur. Biggi heldur sínu striki eins og öll hin árin og stýrir skútunni :) 

Eins og áður segir er allt á fullu í frumtamningum og er búið að vera allt stútfullt hjá okkur nú síðsumars og í haust. Erum að hugsa um að ráða einn annan starfsmann og getum þá bætt við okkur örfáum hrossum, þannig að kæru lesendur, um að gera að hafa samband sem fyrst ef að þið viljið koma ykkar trippum í góðar hendur.

Og að allt öðru :)

Það var virkilega gaman að fá að sjá Gangster aftur en hann hefur verið á suðurlandinu í sumar.
Nú í vikunni kom hann heim á ný og fer í gott frí til að byrja með.
 Þótt það hafi farið vel um hann á suðurlandinu leyndi það sér ekki hvað kall var ánægður að sjá heimahagana á ný :)






Það eru spennandi tímar framundan og mikil tilhlökkun í að taka inn í vetur þar sem að efniviðurinn hefur sjaldan eða aldrei verið meiri í húsinu og er ekki séð fyrir enda á því enn :) Meir um það síðar :) 

Bestu kveðjur frá Litla-Garði.


 

18.09.2014 09:55

Ræktun hesta og kinda skoðuð :)

Komið þið sæl :)



Í gær fengum við stórskemmtilega heimsókn. 

Hingað mættu 25 galvaskar konur frá Svíþjóð til að kynna sér okkar ræktun.  Var verulega gaman að geta sagt þeim frá okkar rótgrónu ræktun sem að Magni í Árgerði hóf upp úr 1960 og Dísa kona hans með honum  frá 1973. Við, Biggi og Herdís höfum síðan ásamt þeim haldið þeirri ræktun áfram og eru hrossin okkar ýmist kennd við Árgerði eða Litla-Garð.  Var fólkið forvitið að vita tengslin og svona fyrir þá sem ekki þekkja til er Herdís dóttir Dísu og fósturdóttir Magna.  Jarðirnar liggja saman og er einungis einn kílómeter á milli þeirra. Þannig að þetta er einstaklega þægilegt upp á dagleg samskipti. 

Sænsku konurnar eru hér að skoða ættartréð stóra  en að mestu má rekja alla okkar ræktun til Snældu frá Árgerði.  Ættbogi hennar er orðin afar stór og myndarlegur. Saga Snældu-Blesa vakti athygli en það má með sanni segja að brasið með hann er hann fótbrotnaði og var hjúkrað til heilsu svo hann gæti sinnt merum hafi aldeilis skilað sér þar sem að hann er á bak við okkar allra sterkustu ræktunarhross í dag eins  og Elvu frá Árgerði  Glæðu frá Árgerði og afkvæmi hennar þau Glettingu, Gloríu,Gangster, Glym, og nýjustu stjörnuna okkar hana Mirru Glymsdóttir frá Litla-Garði og áfam mætti lengi telja.


Einnig vakti athygli mynd af Heklu Pennadóttir frá Árgerði . Hún var hreinræktaður Árgerðingur og eru ekki allir sem vita að hún er einmitt móðir hinnar miklu gæðingamóðir Óskar frá Brún.  Afkvæmi Óskar eru ekki af verri endanum og má þar nefna fyrstu verðlaunahestana Óð, Ofsa, Óm, Hljóm, Óskahrafn og Höld frá Brún.

 

Virkilega gaman að fara svona oní saumana og sjá hvað framræktunin er gríðarleg frá gamla höfðingjanum honum Magna í Árgerði en stóðhesturinn Penni frá Árgerði er einmitt langafi þessara hesta.   Það er draumur hvers ræktanda þegar að ættboginn vex og dafnar með slíkum árangri :)


En að allt öðru, fyrstu göngur eru búnar og voru skil á fé góð, Þó eru  nokkrar skjátur enn eftir að skila sé heim. Vel var mætt í réttir hjá okkur og vorum við svo heppin að hafa litlu ömmu og afastelpuna í heimsókn;)


Viktoría Röfn, litla prinsessan og langamma "Dísa" í rettunum:) 


Sindri Snær með vini sínum og nágranna Óla í Hvassafelli. Og að sjálfsögðu átti hann þennan myndar hrút.

 Dísa Viktoría, Heiður Nanna  og Breki tóku sig vel út í réttum :) 



Andri ánægður með fenginn :)


Skildi þetta vera lífgimbur?


Einhver þarf að sjá um bókhaldið :) 


Það er ómetanlegt að hafa góða aðstoð í réttunum, Nanna systir Bigga og Andri tengdasonur hennar létu ekki sitt eftir liggja :)


Stundum er gott að hjálpast að.

Látum þetta duga í bili, gaman að sjá hveru margir eru duglegir að fylgjast með okkur hér á síðunni, það hvetur mann  til að setjast við tölvuna og skrifa fréttir: af daglegu amstri. 

Lifið heil!


02.09.2014 11:41

Bæjarkeppni

Sælir kæru lesendur,


Haustið nálgast og minnir á sig á margan hátt þótt veðursældin sé ekkert búin að yfirgefa okkur ennþá.
Skólinn er byrjaður, heyskap lokið og göngur næstu helgi, kartöfluuppskera stefnir í algjört met og þarf maður að fara að drífa sig að taka upp því ekki er gott að kartöflurnar spretti um of.

Bæjarkeppnin var síðustu helgi og er hún einnig haustboði þar sem að hún  er síðasta mótið hér norðanheiða á árinu.  


Biggi á Mirru frá Litla-Garði og Hafþór á Vísi frá Árgerði

Vel var mætt frá Litla-Garði á bæjarkeppni, alls 6 keppendur og vantaði samt Ásdísi og Nönnu í hópinn til að fullkomna hann.

Ásdís var í staðinn ferlega dugleg að taka myndir og deili ég þeim hér með til ykkar :)


Jóhanna okkar á Glymru frá Litla-Garði


þær eru algjört æði þessar stöllur :)



Hafþór elsti sonur okkar kom frá Reykjavík á laugardagskvöldið ásamt litlu fjölskyldunni sinni sem fer reyndar óðum stækkandi þar sem að hann og Heiður eiga  von á sínu öðru barni :) Notaði Hafþór tækifærið og skellti sér á Vísi frá Árgerði í bæjarkeppnina og höfðu þeir félagar engu gleymt :)


flottir félagar.




Júlía okkar sem var síðast hjá okkur 2010 er komin aftur frá Þýskalandi og ætlar að vera í einn mánuð, ekkert smá gaman að því. Hún skellti sér á Viðju frá Litla-Garði og stóðu þær sig með prýði :)


Júlía og Viðja flottar á bæjarkeppni Funa :)




Sindri og Tónn frá Litla-Garði sigruðu barnaflokkinn með stæl :)


Það er búið að vera verulega gaman að fylgjast með Sindra í sumar, Hann hefur vaxið hratt og tekið miklum framförum í reiðmennskunni, komin riddarabragur á kallinn :)



Það sem gerir bæjarkeppnina svo skemmtilega er litrófið.

Þarna sést nefnilega líka fullt af fólki sem vanalega er ekki mikið í brautinni.



Hér er Rósa frá Halldórsstöðum á Neista sínum, þau gerðu sér lítið fyrir og skelltu sér í annað sætið í kvennaflokki :)

Sjálf tók ég þátt á Emilíönu frá Litla-Garði og vorum við bara sáttar með hvor aðra, Emilíana er mjög svo vaxadi meri og skemmtum við okkur vel saman, hver veit nema maður fari að gera meira af þessu :)


Herdís og Emilíana lentu í 3ja sæti í kvennaflokki :)




Skemmtileg fjórgangshryssa sem er til sölu.



Systurnar Glymra og Emilíana.




Þessi gaur var líka ansi flottur og setti sinn lit á þessa skemmtilegu keppni. 

Gestur okkar á Molasyninum sínum.



Síðast en ekki síst var Biggi með Mirru frá Litla-Garði, mikið svakalega var hún flott.




Algjört augnakonfekt þessi meri sem vex í hverjum reiðtúr, Biggi sem er nú ekki yfirlýsingaglaður maður er meira segja farin að missa út úr sér stór  orð um hvað þessi hryssa eigi eftir að gera geðveika hluti í framtíðinni , látum það liggja á milli hluta í bili :)


Og að sjálfsögðu sigraði Biggi karlaflokkinn á þessari sprengju.


Læt Mirru eiga síðasta orðið :)

17.08.2014 20:21

Mótin

Góða kvöldið kæru vinir.






Síðustu helgi skelltum við okkur á hið árlega og stórskemmtilega Einarstaðamót. Aðeins var nú veðrið að stríða okkur, en þetta mót hefur að öllu jöfnu verið þekkt fyrir blíðviðri. 

Að þessu sinni var hestakerran fyllt og hrossin keyrð austur, en yfirleitt höfum við farið ríðandi þangað.

Vorum við ánægð með árangur okkar hrossa en flest þeirra eru að stíga sín fyrstu skref í keppnisbrautinni. 



Biggi fór með Mirru frá Litla-Garði í tölt og B flokk. Þau voru í fyrsta sæti í B flokk eftir forkeppni með einkunnina 8,52 og í öðru sæti  í tölti með einkunnina 6,87. 



Vorum við að sjálfsögðu sátt með frumraunina hennar Mirru. 



Í B flokks úrslitunum voru 4 hestar efstir og jafnir með einkunnina 8,59 endaði með sætaröðun dómara og hafnaði Mirra þar í öðru sæti.


Johanna fór með Glymru frá Litla-Garði í sína fyrstu gæðingakeppni í B flokk og hlaut 8,22, var rétt fyrir utan útslit, ekki slæm byrjun það í geysisterkum B flokk:)




Karen frá Árgerði þreytti einnig frumraun sína í A flokki gæðinga og var önnur inn í B útslit en við ákváðum að draga hana úr keppni þar sem að hún fór í sölusýningu daginn eftir.


Biggi fór með Sigurdísi frá Árgerði í 100 m skeið og var í öðru til þriðja sæti með tímann 7,80. 

Nanna Lind og Sindri voru með Vísi og Tón í ungmenna og barnaflokk og stóðu sig með prýði, Sindri var í 2 til 3ja sæti og Nanna Lind í fjórða. 


Nú um helgina var haldið stórmót Funa á Melgerðismelum.

Er skemmst frá því að segja að Mirra stóð þar efst eftir forkeppni B flokks með 8,57 en hafnaði í öðru sæti í úrslitum þar sem að hún fipaðist aðeins á brokkinu. Hún var efst hjá sínu félagi en haldin var gæðingakeppni Funa samhliða.


Fjórir efstu í B flokk gæðinga á stórmóti Funa á Melgerðismelum. Skemmtilega samtaka í skrefi :)



Sigurdís frá Árgerði sigraði 100 metra skeiðið og Aldís frá Krossum þreytti sína fyrstu A flokks keppni, var í 7 sæti eftir forkeppni og vann einnig A flokk Funa.


Aldís frá Krossum


Sindri Snær kom sá og sigraði en hann átti stórkostlega sýningu strax í forkeppni og hlaut efsta sæti með einkunnina 8,57. 



Sætur sunnudagur hjá þeim félugum.


Snilldarsýning hjá litla kallinum :)




Hann bætti um betur í úrslitum og fékk 8,65 sem var hæsta einkunn mótsins og persónulegt met Sindra :) Og að sjálfsögðu dugði þetta honum til sigurs. 

Látum þetta duga í bili.

Bestu kveðjur frá Litla-Garði
 

02.08.2014 17:04

framræktun Glæðu frá Árgerði


Sæl á ný kæru lesendur. 



Glymsdæturnar Mirra og Glymra voru heldur betur í stuði í gær á Melunum :)  

Verð að fá að deila með ykkur þessum ágætis myndum sem að Sindri Snær tók er hann var að æfa sig með myndavélina.


Mirra frá Litla-Garði 


Hér er síðan systir hennar Glymra frá Litla-Garði


 Glymra frá Litla-Garði




 Glymur heitinn, faðir þessa hryssna var undan Glæðu frá Árgerði og Kraft frá Bringu,


 Enn sannast framræktun Glæðu frá Árgerði en hún er búin að skila okkur 5 fyrstu verðlauna hrossum.
 Stóðhestunum Glym og Gangster frá Árgerði, geldingnum Ísidor og gæðingshryssunum Gloríu og Glettingu frá Árgerði. Hin afkvæmi hennar hafa reynst mjög vel, allt saman afskaplega heiðarleg og hæfileikarík hross. 



 Nú eru ömmubörnin byrjuð að týnast inn og  er það ekki slæm byrjun, sb þessar tvær hryssur hér , Emilíana frá Litla-Garði ,Gangsterssonurinn Farsæll frá Litla-Garði, Gloría frá Skúfslæk og mörg önnur bráðefnileg á uppleið. 




Og að lokum ein af henni Mirru en eins og mörgum er kunnugt fór hún í mjög góð fyrstu verðlaun í vor.
 En þar sem að hún heltist og missti þ.a.l af landsmótinu, laumaðist Biggi með hana undir Gangster sama dag og við fórum með hann suður á LM og það dugði til!

 Mirra er fylfull og er meiningin að leyfa henni að eiga þetta (hæfileikabombu folald ) og taka hana síðan aftur í þjálfun og sækja  allar níurnar og tíurnar hennar :) hehehe

 

 Læt þetta duga í bili :)




Flettingar í dag: 59
Gestir í dag: 11
Flettingar í gær: 1082
Gestir í gær: 165
Samtals flettingar: 868010
Samtals gestir: 60019
Tölur uppfærðar: 24.5.2024 02:57:22