Færslur: 2012 Júlí
31.07.2012 21:55
Aðeins breytt úraf vananum :)
![](http://cs-001.123.is/42366794-d4f2-40f0-9c40-9158de4c1a5e_MS.jpg)
Það er alveg nauðsynlegt að brjóta aðeins upp hversdagsleikann annars slagið. Hafþór Magni, Heiður og Viktoría Röfn voru hérna í sumarfríi um daginn og hvað var þá sniðugara en að blanda saman bisness and pleasure og ríða niðrá Melgerðismela með öll hrossin og fara þar í smáútilegu :)
Fyrsta myndin er af rekstrinum niðrá Mela en þetta er alls ekki löng leið.
![](http://cs-001.123.is/c15e1d71-f772-419b-a407-2d756a675fd6_MS.jpg)
Svo var safnað spreki í lítinn varðeld og grillað frábært kjöt. Algjör paradís!
![](http://cs-001.123.is/b4a77278-2f4b-4c88-b7dd-f7cf4a16d0bb_MS.jpg)
Yndislegt
![](http://cs-001.123.is/2104d36d-a7ff-4b65-a3c4-f1268128103d_MS.jpg)
Viktoría og afi í "feluleik" :)
![](http://cs-001.123.is/6a9fc06d-a795-43ef-a74d-6fc056ced1e7_MS.jpg)
Varðeldurinn í allri sinni dýrð
![](http://cs-001.123.is/89ab7ceb-fc31-4a51-9641-757285d54670_MS.jpg)
Viktoría og amma sætar saman
30.07.2012 20:02
Þvílíkt sumar :)
Hins vegar hefur fulllítið borist hingað af vætu og eru tún og lækir farnir að bera þess merki, en á öllum plúsum má finna mínusa ! Útreiðar ganga yfirhöfuð vel og tamningarstöðin gengur sinn glimjandi gang. Aðeins hefur fækkað í úrvalshrossahópnum okkar en gæðingurinn og 1.v klárhryssan Evelyn frá Litla-Garði seldist nú á dögunum og er komin á suðræna grundu og óskum við nýjum eigendum þeirrar stólpahryssu innilega til hamingju.
![](http://cs-001.123.is/35c9bc65-51ae-42b6-ab90-7c4773c20fb7_MS.jpg)
Nanna Lind er hér á Evelyn Hryms- og Elvudóttur síðasta sumar.
Folöldin hafa týnst í rólegheitum í heiminn og kom það síðasta núna í síðustu viku. Ennþá vantar einhverjar myndir af þessum gripum en kynjahlutfallið hefur allavega verið okkur í hag hérna í Litla-Garði en fæðst hafa aðeins fjórir hestar á móti fjölda hryssna. Í Árgerði er hlutfallið hins vegar jafnara.
Folöldin undan Gangster okkar koma yfirhöfuð vel út, virkilega framfalleg og passlega gæf og forvitin. Ferðast um á öllum gangi með svifmiklum og háum hreyfingum. Það láðist nú að nefna það hér í fyrra en u.þ.b helmingur hryssnanna hjá Gangster voru 1.v hryssur.
![](http://cs-001.123.is/a31de672-cfbb-4d37-b366-20d0acec5a9f_MS.jpg)
Rauð hryssa kom undan gæðingnum Von frá Árgerði (A.e 8.39) og Gangster.
![](http://cs-001.123.is/849763ad-296e-4def-8138-db5f952eb2a9_MS.jpg)
Góður frampartur þar en Von er með 8.0 fyrir þann part. Gangster bætir það greinilega upp. Þau eru svo bæði með 9.0 fyrir tölt og vilja/geðslag, lofar góðu. Þessi snotra snót hefur verið gefið nafnið Vaka frá Árgerði og eigendur eru Magni og Dísa
![](http://cs-001.123.is/260d7b38-7a85-412c-872e-1505e155d001_MS.jpg)
Undan 1.v Feykisdótturinni Nös frá Árgerði kom gullfallegur og standreistur jarpur hestur sem Biggi og Herdís eiga.
![](http://cs-001.123.is/cd128cb5-a8e6-4f9b-b517-fe398f01e0c4_MS.jpg)
Lofandi ...
![](http://cs-001.123.is/5525b4ce-fda3-44c6-94fb-6fd209bd9422_MS.jpg)
Hvað ert þú eiginlega að gera ?
![](http://cs-001.123.is/be6e3303-df56-4c44-a72b-52322e882245_MS.jpg)
Undan Gustsdótturinni Perlu frá Árgerði og Gangster kom falleg rauð hryssa sem Hafþór og Heiður eru stoltir eigendur að :)
![](http://cs-001.123.is/0ca54058-a711-4f56-8b04-11ed8b0ec5b2_MS.jpg)
Þessi flotti gaur er undan Snældu frá Árgerði (A.e 8.31) og Kiljan frá Steinnesi.
![](http://cs-001.123.is/24d95946-51b5-4512-8060-7b3f6da35454_MS.jpg)
Þessi gaur er undan Týju frá Árgerði (A.e 8.37) og Gangster.
![](http://cs-001.123.is/51065345-fde6-4dd4-ad34-887654a1efe0_MS.jpg)
Fínleg, falleg bleikálótt undan Ófeigsdótturinni Melodíu frá Árgerði (A.e 8.04) og Gangster
![](http://cs-001.123.is/99bd4415-97ee-422b-ab44-2fe56108a018_MS.jpg)
Sá nýjasti, rauðstjörnóttur undan Svölu frá Árgerði Feykisdóttur og Gangster. Alvöru fallegur þessi ...
![](http://cs-001.123.is/16e047c8-30e9-4e89-8514-5f98267d2054_MS.jpg)
Hvað meinaru eiginlega, ég er ekkert með stór eyru!! :)
![](http://cs-001.123.is/aa8ea8c9-0d91-4748-9641-565e9026c8ef_MS.jpg)
Ein enn að lokum af Vöku Vonar og Gangsters dóttur :)
Meira á næstu dögum !
23.07.2012 21:38
Sumarið er tíminn
Jæja kæru lesendur !!
Sumarið er nú formlega hálfnað og rignir á okkur sem aldrei fyrr, enda margra vikna uppsöfnuð rigning sem kemur nú öll í einu .. Pfff, ekki alveg það yndislegasta.
Nú verður farið í að smella inn myndum og fréttum af þeim folöldum sem fæðst hafa en þau hafa öll skilað sér í heiminn og þykir alveg standa uppúr hvað folöldin undan Gangster eru falleg. Hann fékk líka til sín flestar dívurnar í fyrrasumar og var það greinilega rétt val miðað við folöldin sem standa hér í dag.
En fylgist sperrt með því frá og með morgundeginum rignir inn myndum og fréttum af folöldum og hinu og þessu skemmtilegu :)
- 1