11.06.2013 16:15

Gangster - Notkun

Gangster á hægu tölti

Þá fara málin að skýrast með Gangster frá Árgerði og notkunarstaði hans í sumar en hann verður hér í Eyjafirði á vegum Stefáns og Herdísar fyrra gangmál og í húsnotkun, tollurinn undir hann mun kosta 100 þús með hagagjaldi og sónar + vsk en hann er byrjaður að taka á móti hryssum á húsmáli. Stefnt er að honum verið sleppt í hólf upp úr miðjum mánuðnum en frekari upplýsingar um það gefur Stefán Birgir í síma 8961249.

Línur fara að skýrast með seinna tímabil en það stefnir allt í að Gangster verði þá til afnota á Suðurlandi en nánari staðsetning yrði auglýst um leið og það yrði endanlega ákveðið.

Gangster á orðið nokkur afkvæmi og eru elstu afkvæmin nú á fjórða vetur. Er búið að temja tvö þeirra og sýna einn sem sjá má hér fyrir neðan. Folöld og tryppi undan honum lofa mjög góðu, fljót að læra veturgömul þegar þau eru tekin til fortamningar, forvitin og námsfús, kát og skemmtileg.